В.Д.Лонгинов аатын сүгэр Атамай орто оскуолатыгар буолаары турар Манчаары оонньууларыгар бары өттүнэн бэлэмнэнии үлэтэ күүстээхтик барар. СР үтүөлээх учуутала, Кэптин оскуолатын физкультураҕа ветеран учуутала А.И.Сидоров авторскай спортивнай снарядтарыттан анаммыт 3 көрүҥ снаряд: мишеннэр, гимнастическай паалкалар, "слоновай ход" - оҥоһуллан бүттэ. Бэрдьигэстээхпит сайыҥҥы кэрэ көстүүтүн сүрүннээн хааччыйар сибэккилэртэн - 1250 устуука кыһыл петуния олордуллан үүннэриллэ турар. Бу өрөбүл күннэргэ "Горнай" скверин, "Үс сэргэ" перекресток сибэккинэн киэргэтиилэригэр аналлаах 100 сибэкки иһитэ оҥоһуллан, кырааскаланан бүттэ. Атамай оскуолатыгар Манчаарыга бэлэмнэнии үлэ маннык эрдэттэн былааннанан оҥоһуллан иһэр.
Comentarios